ತವಕ

ಸಣ್ಣದೊಂದು ಚಿಗುರು,

ಬೆಳೆದು ಮರವಾಗುವ ಆಸೆ,

ಹಣ್ಣು ಹೂವಾಗುವ ಕನಸು,

ನಿದ್ದೆಯಲ್ಲೂ ಬೆಳಕಿನ ಕನವರಿಕೆ,

ನಿಲ್ಲುವುದಕ್ಕೂ ಸಮಯವಿಲ್ಲ,

ಉಸಿರು ಉಸಿರಿಗೂ ಎಣಿಕೆ ಚಕ್ರ.

ಕೂಡಿ-ಕಳೆದು-ಗುಣಿಸಬೇಕು,

ಬೆಳೆಯಬೇಕು ಬೆಳೆಯಬೇಕು...

ಸಂಜೆಗೊಮ್ಮೆ ನಿಟ್ಟುಸಿರು

ನಾಳೆಯ ಕಾಯುವುದೇ ಕಾಯಕ.

ಬೇಸರಕ್ಕೆ ಇಂದು ಸಮಯವಿಲ್ಲ,

ಮುಂದೆ ನೋಡಿದರಾಯಿತು..

ಒಂಟಿ ನಡೆದಷ್ಟೂ ಸೋಲುವ ಭಯ.

ಕತ್ತಲೆಗೆ ಹೆದರಿ ನಡೆಯುವುದ ನಿಲ್ಲಿಸಬೇಕೆ?

ಆಕಾಶಕ್ಕೆ ನಕ್ಷತ್ರಗಳು ಕಡಿಮೆಯೇ?

ರಾತ್ರಿ ನಿದ್ದೆಯಲ್ಲಿ ಕಳೆದರೆ ನಕ್ಷತ್ರವಾಗುವುದು ಹೇಗೆ??!!

ಕಣ್ಣ ಕಂಬನಿಯನ್ನೇ ನುಂಗಬೇಕು,

ನೆನ್ನೆಗಳ ನೋವನ್ನ ಮರೆಯಬೇಕು,

ಬೆಳೆಯಬೇಕು ಬೆಳೆಯಬೇಕು.

ಬೆಳೆಯಬೇಕು ಬೆಳೆಯಬೇಕು.